Kifayət Qasımova (cüdo bölməsi üzrə qadınlardan ibarət komandanın baş məşqçisi)

Kifayət Qasımova 1983-cü il fevralın 1-də Kəlbəcər rayonunun Qasımbinəsi kəndində anadan olub.

2006-cı ildə Azərbaycan Dövlət Bədən Tərbiyəsi və İdman Akademiyasını (indiki Azərbaycan İdman Akademiyası) bitirib.

1995-ci ildən cüdo idman növü ilə məşğul olmağa başlayıb.  

1999-cu ildə Romada gənclər arasında, 2004-cü ildə isə Lyublyanada U-23 gənclər arasında Avropa çempionu adını qazanıb.

O, həmçinin gənclər arasında Avropa çempionatının gümüş (1998, Buxarest) və bürünc (1999, Rotterdam) medalına sahib çıxıb.

2000-ci ildə Nabeulda gənclər arasında dünya çempionatının bürünc, 2005-ci ildə U-23 gənclər arasında (Kiyev) Avropa çempionatının bürünc medalçısı olub.

Kifayət Qasımova bundan başqa böyüklər arasında Avropa çempionatında gümüş (2006, Tampere) və bürünc (2007, Belqrad), (2008, Lissabon) medal qazanıb.

2009-cu ildə isə Rotterdamda böyüklər arasında bürünc medala sahib çıxıb.

“Böyük Dəbilqə” turnirinin üçqat bürünc mükafatçısıdır (2010, 2013, 2014).

2011-ci və 2012-ci illərdə Bakıda keçirilən Qran-Pri yarışında qızıl, 2014-cü ildə (Kiyev) isə bürünc bürünc medala yiyələnib.

İkiqat Olimpiya iştirakçısı (Pekin-2008, London-2012) olan Kifayət Qasımova həmçinin, Bakı-2017 IV İslam Həmrəyliyi Oyunlarının həm fərdi, həm də komanda yarışlarının gümüş mükafatçısıdır.

2006-cı ildən Azərbaycan Respublikasını DGK kadırlar şöbəsində inspektor vəzifəsində çalışır və hazırda kapitan rütbəsini daşıyır.

2024-cü ildən “Judo Club 2012”də cüdo üzrə qadınlardan ibarət komandanın baş məşqçisi kimi çalışır.