logo.png
Cüdoçumuz Bremendə Azərbaycan himnini səsləndirdi
“Judo Club 2012”nin cüdoçuları Almaniyanın Bremen şəhərində keçirilən gənclər arasında cüdo üzrə beynəlxalq Masters turnirində uğurla çıxış ediblər.
Klubun üzvləri yarışı bir qızıl və bir bürünc medalla başa vurublar. Təmsilçilərimizdən -73 kq çəki dərəcəsində qüvvəsini sınayan cüdoçumuz Süleyman Əliyev fəxri kürsünün ən yüksək pilləsinə qalxaraq Azərbaycan himnini səsləndirib.
Yarışda -90 kq çəki dərəcəsində qüvvəsini sınayan Tuncay Şamil isə bürünc medala sahib çıxıb.
Qeyd edək ki, beynəlxalq Masters turnirində 6 çəki dərəcəsində 20 cüdoçu ilə təmsil olunan komandamız yarışı 7 (4 qızıl, 3 bürünc) medalla başa vurub. Millimiz turnirində rekord sayda qızıl medal qazanaraq tarix yazıb. Milllimiz bu nəticə ilə medal sıralamasında Yaponiya, Özbəkistan və Almaniyan komandalarını üstələyərək birinci yeri tutub.
