“Judo Club 2012”nin daha bir üzvü ölkə birinciliyində medal qazandı

1.jpg

 

     Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçirilən cüdo üzrə U-15 yeniyetmələr arasında ölkə birinciliyinin fərdi yarışlarına martın 1-də yekun vurulub.

101 klub, cəmiyyət və idman təşkilatından olan 572 cüdoçunun mübarizə apardığı yarışın son günündə “Judo Club 2012” klubu daha bir medal qazanıb. Klubun üzvü Murad Nəzərzadə -60 kq çəki dərəcəsində bürünc medala sahib çıxıb.

Beləliklə, “Judo Club 2012” klubu ölkə birinciliyinin fərdi yarışlarını 2 medalla başa vurdu.

Xatırladaq ki, yarışların ilk günündə -66 kq çəki dərəcəsində qüvvəsini sınayan Davud Bayramov ölkə birinciliyinin qalibi olmuşdu.

Azərbaycan birinciliyinə martın 2-də komanda yarışları ilə yekun vurulacaq.

Oxunma sayı: 84 2025-03-01 22:38:26