“Judo Club 2012”nin yetirməsi Avropa kubokunun qalibi oldu

          İspaniyanın Fuengirola şəhərində yeniyetmə cüdoçular arasında Avropa kuboku turnirinə start verilib. Fuengirola turnirində 25 ölkədən 488 cüdoçu mübarizə aparır. Azərbaycanı beynəlxalq turnirdə 8 cüdoçu təmsil edir. Yarışda ölkəmizi təmsil edən idmançılar arasında “Judo Club 2012”nin idmançıları da yer alıblar. Azərbaycan cüdoçuları beynəlxalq yarışın ilk günündə 1 qızıl və 1 bürünc medal qazanıblar. Komandamıza qızıl medalı “Judo Club 2012”nin yetirməsi Nicat Məmmədli qazandırıb. 55 kq çəki dərəcəsində yarışan Nicat Məmmədli bütün rəqiblərinə qalib gələrək Avropa kubokunun qalibi olub.